Mobil telefonlar həyatımızı asanlaşdırsa da, mənfi cəhətləri ilə də diqqət çəkir.
E-saglam.az xəbər verir ki, Nevrologiya Mütəxəssisi Yaşar Alpaslan davamlı cib telefonu istifadəsinin xərçəng əmələ gəlməsini tətiklədiyini ifadə etdi.
Alpaslan, "İntensiv mobil telefondan istifadənin ən azı beyin yorğunluğuna səbəb olduğu demək olar ki, dəqiqdir. Bu, həmçinin baş ağrısı, yuxu pozğunluğu, yaddaş pozğunluğu, güclü stress və yorğunluq, konsentrasiya və diqqət çatışmazlığı kimi vəziyyətlərə də səbəb ola bilər" dedi.
Yataq otağında mümkün qədər mobil telefon və digər elektron cihazların saxlanılmaması lazım olduğunu deyən Alpaslan, “Cib telefonlarını birbaşa qulağına tutmamalı, qulaqlıqdan istifadə etməliyik. Mobil telefonları bədəndən uzaq tutmaq üçün zəngləri səsucaldıcıda uzaqdan etmək məqsədəuyğundur", - deyə bildirib.
Tərcümə: Könül Oruc
