İngiltərədə 450.000-dən çox insanın məlumatlarını araşdıran bir araşdırma, gündə səkkiz stəkandan çox çox isti çay və ya qəhvə içənlərin xərçəng riskinin altı dəfə artdığını ortaya qoydu.
E-saglam.az xəbər verir ki, orta hesabla 12 illik təqibdə özofagus skuamöz hüceyrəli karsinoma (ESCC) diaqnozu qoyulma ehtimalı isti içkilər istehlak etməyənlərə nisbətən təxminən altı dəfə yüksək olmuşdur.
İştirakçılardan içkilərə hansı temperaturda üstünlük verdikləri soruşulub. Cavabların 17%-i “çox isti”, 66,5%-i “isti”, 15,3%-i isə “ilıq” olub. Tədqiqatçılar qeyd ediblər ki, xüsusilə qadınlar kişilərdən daha çox “çox isti” seçirlər ki, bu da 65 dərəcədən yuxarı hərarəti ifadə edə bilər.
Gündə dörddən çox isti içki qəbul edənlər üçün risk 2,5 dəfə artıb.
4-6 stəkan içənlərdə risk 3,67 dəfə artıb.
6-8 stəkan içənlərdə risk 4,75 dəfə artıb.
Səkkiz stəkandan çox içənlər üçün risk təxminən 6 dəfəyə çatdı.
"British Journal of Cancer" jurnalında dərc edilən araşdırmada aşağıdakılar təfərrüatlı şəkildə açıqlanıb:
“İsti və ya çox isti çay və qəhvə içən insanlarda bu vərdişi içməyənlərə nisbətən yemək borusu xərçəngi daha çox olur”.
Tədqiqatçılar qeyd etdilər ki, bu əlaqənin arxasında duran dəqiq bioloji mexanizm məlum deyil. Bununla belə, bir fərziyyə göstərir ki, çox isti içkilərə təkrar məruz qalma yemək borusu hüceyrələrinə zərər verə bilər və potensial olaraq xərçəngə səbəb ola bilər.
Bir heyvan üzərində aparılan araşdırmada məlum olub ki, siçovullar 70 dərəcə Selsi (140 dərəcə Fahrenheit) isti su içdikdə, onların yemək borusunda şiş yaranmasına səbəb ola biləcək ilkin zədələr əmələ gəlir.
Tərcümə: Könül Oruc
