Payız-qış aylarında süfrələrin vazkeçilməz hissəsinə çevrilən yemişan şərbəti evdə asanlıqla hazırlana bilən və sağlamlığa bir çox faydası olan bir içkidir.
E-saglam.az xəbər verir ki, soyuq günlərdə ləzzətli və qidalı bir alternativ təqdim edən bu şərbət xüsusilə ürək sağlamlığını dəstəkləyən xüsusiyyətləri ilə seçilir.
Ürək sağlamlığını dəstəkləyir
Yemişan meyvəsi flavonoidlər və antioksidantlarla zəngindir. Bu birləşmələr qan dövranını tənzimləməyə və ürək funksiyalarını gücləndirməyə kömək edir. Daimi istehlak yüksək qan təzyiqi və ateroskleroz kimi ürək xəstəliklərinə qarşı qoruyucu təsir göstərir.
Güclü antioksidantların mənbəyi
Yemişan şərbətində bədəni zərərli sərbəst radikallardan qoruyan güclü antioksidantlar var. Bu sayədə hüceyrə yenilənməsini dəstəkləyərək dəri sağlamlığını qoruyur, immunitet sistemini gücləndirir və qocalma əlamətlərini gecikdirir.
Həzm sistemi üçün faydalı
Yemişan siropunun tərkibində həzm sistemini dəstəkləyən təbii maddələr var. Mədə narahatlığını aradan qaldırır, bağırsaq hərəkətlərini tənzimləyir və həzmi asanlaşdırır. Xüsusilə yeməkdən sonra istehlak edildikdə şişkinlik və həzmsizlik kimi problemləri aradan qaldırır.
İmmuniteti gücləndirir
Tərkibindəki yüksək C vitamini və antioksidant tərkibi ilə yemişan siropu immunitet sistemini gücləndirir. Bədəni soyuqdəymə və qrip kimi xəstəliklərdən qoruyaraq infeksiyalarla mübarizə aparmağa kömək edir.
Yemişan siropu sağlamlaşdırıcı xüsusiyyətləri ilə qış aylarında bədəni gücləndirən təbii içki alternativi təqdim edir.
Tərcümə: Könül Oruc
