Alimlər aparılan son araşdırmalarda bəzi qidaların beyində “xoşbəxtlik hormonları”nı artırdığını təsdiqləyib.
E-saglam.az xəbər verir ki, mütəxəssislərin sözlərinə görə, bu qidaları rasiona əlavə edən insanlar özlərini daha sakit, enerjili və emosional olaraq daha balanslı hiss edir.
Ən güclü təsir göstərən qidalar arasında banan, qara şokolad, qoz-fındıq, balıq və yoqurt önə çıxır. Bu məhsullar serotonin və dopamin istehsalını artıraraq beyində təbii “xoşbəxtlik effekti” yaradır.
Psixi sağlamlıq üzrə mütəxəssislər bildirir ki, xüsusilə omega-3 ilə zəngin balıq, həm beynin işini gücləndirir, həm də stress hormonlarını azaldır. Qara şokolad isə tərkibindəki flavonoidlər sayəsində əhvalı qısa müddətdə yüksəldir.
Mütəxəssislər qeyd edir ki, bu qidaların gücü təkcə hormonlara təsirdə deyil. Onlar həm də bağırsaq florasını yaxşılaşdırır və bu da birbaşa əhval-ruhiyyəyə təsir edir.
Tərcümə: Könül Oruc
