E-saglam.az xəbər verir ki, B vitamini, xüsusilə B12 çatışmazlığı, unutqanlığın əsas səbəblərindən biri hesab olunur. Bu vitamini qırmızı ət, qaraciyər və süd məhsulları təmin edir. Yumurta isə yüksək keyfiyyətli zülal və xolin tərkibi ilə beynin funksiyalarını dəstəkləyir. Qatıq tərkibindəki tirozin sayəsində beyin funksiyalarını yaxşılaşdırır və yaddaşı gücləndirir.
İspanaq A, C, E və K vitaminləri, dəmir, maqnezium və kalsiumla zəngin olduğuna görə beyin sağlamlığına müsbət təsir göstərir. Tərkibindəki antioksidantlar yaddaş zəifliyinin qarşısını almağa kömək edir. Zərdəçal isə beyində yeni hüceyrələrin yaranmasını dəstəkləyir və antioksidant xüsusiyyətləri ilə yaddaşı qoruyur.
Beyin funksiyasını gücləndirən digər faydalı içkilərdən biri də yaşıl çaydır. Araşdırmalar yaşıl çayın müntəzəm istehlakının demans və unutqanlığa səbəb olan degenerativ proseslərin qarşısını almağa kömək etdiyini göstərib.
Sağlam və balanslı qidalanma ilə beynin funksiyalarını qoruyub yaddaşı gücləndirmək mümkündür.
Tərcümə: Könül Oruc
