Bəzi qidalar təhlükəli birləşmə yarada və mədə problemlərinə səbəb ola bilər.
E-saglam.az xəbər verir ki, mütəxəssislər heç vaxt qarışdırılmaması lazım olan məhsulları sadalayıblar.
Qazlı içkilər və pizza. Bu klassik birləşmə mədəyə mənfi təsir göstərə bilər. Pizzadakı təmizlənmiş karbohidratlar sodaya əlavə edilmiş şəkərlə birləşərək qan şəkərinizin artmasına səbəb ola bilər. Pizza həm də yağlı yeməkdir və onu qazlı içkilərlə qarışdırmaq həzm sisteminə zərər verə bilər, diskomfort və şişkinliyə səbəb ola bilər.
Meyvələr və taxıllar. Həssas mədəsi olan insanlar üçün, həzm müddətlərinin fərqliliyinə görə meyvələri taxıllarla birləşdirmək yaxşı fikir olmaya bilər. Meyvələr mədə tərəfindən asanlıqla həzm olunur, taxıl isə daha uzun müddət həzm olunur. Bu məhsulların birlikdə istifadəsi narahatlıq yarada bilər.
Qəhvə və dəmirlə zəngin qidalar. Qəhvə və çayın tərkibində dəmirin orqanizm tərəfindən mənimsənilməsinə mane olan maddələr var.
Yumurta və ət. Yumurtanı ətlə, məsələn, kolbasa ilə birləşdirmək həzm sisteminə zərər verə bilər. Yumurta və ət çox miqdarda protein ehtiva edir ki, bu da protein yüklənməsinə və mədə narahatlığına səbəb ola bilər.
Qatıqlar və giləmeyvə. Qatıq qələvi məhsuldur və bir çox meyvə və giləmeyvə asidik mühitə malikdir. Bu birləşmə mədə narahatlığına da səbəb ola bilər.
Tərcümə: Könül Oruc
