Astroloqların fikrincə, 2025-ci il bəzi bürclər üçün xüsusilə şanslı olacaq. Əkizlər və Xərçəng bürcləri bu ilin ən şanslı əlamətləri olaraq göstərilir.
E-saglam.az xarici mediaya istinadən xəbər verir ki, Əkizlər üçün 2025-ci il böyümə, özünü kəşf və yeni imkanlar ili olacaq. İş, təhsil, münasibətlər və səyahət sahələrində gözlənilməz fürsətlər yaranacaq. Şanslı olmaqla yanaşı, Əkizlər köhnə məhdudiyyətləri aradan qaldıraraq yeniliklərə açıq olduqları təqdirdə uğurlu dönüş nöqtələri yaşaya bilərlər.
Xərçənglər üçün isə 2025-ci il emosional tarazlıq, ailə bağlarının möhkəmlənməsi və romantik münasibətlərdə harmoniya ilə seçiləcək. Yupiter və Mars tranzitləri Xərçənglərə münaqişələri həll etmək, emosional yaxınlıq və sabitlik yaratmaq üçün dəstək olacaq. Bundan əlavə, maliyyə sahəsində də müsbət irəliləyişlər gözlənilir. Sevgi və sabitliklə dolu bir il Xərçənglər üçün yeni üfüqlər açacaq.
Hər iki bürc üçün 2025-ci il irəliləyiş və dəyişikliklərlə dolu, uğurlu bir dövr olacağı proqnozlaşdırılır.
Tərcümə: Könül Oruc
