Müasir həyat tərzinin beş təhlükəli vərdişi sağlamlığınızı və zehni performansınızı təhdid edir.
E-saglam.az xəbər verir ki, mütəxəssislərə görə, səhər saatlarında etdiyimiz bəzi adi vərdişlər beynin fəaliyyətinə mənfi təsir edir.
Oyandıqdan dərhal sonra telefona baxmaq – Beynin oyanması üçün təmiz hava, günəş işığı və hərəkət lazımdır, ekran işığı deyil. Telefonla məşğul olmaq əvəzinə, qısa gəzinti və ya meditasiya daha faydalıdır.
Zərərli qidalarla günə başlamaq – Fast-food, şirinlər və emal olunmuş qidalar beyin funksiyasını zəiflədir. Onların yerinə təzə və mövsümi qidalar seçilməlidir.
Oxumamaq – Beynin də məşqə ehtiyacı var. Hər gün beş səhifə belə olsa, kitab oxumaq zehni stimullaşdırır və inkişaf etdirir.
Fiziki hərəkətsizlik – Məşq beynin qan dövranını və enerjisini artırır. Gündəlik cəmi 30 dəqiqəlik fiziki aktivlik belə uzunmüddətli fayda verir.
Yeni bacarıqlar qazanmamaq – Beyin inkişafı üçün öyrənmək vacibdir. Gündə sadəcə 1 saat yeni bir şey öyrənmək, beyni gücləndirir və stressi azaldır.
Sadə dəyişikliklərlə həm bədəninizə, həm də beyninizə xidmət etmiş olarsınız.
Tərcümə: Könül Oruc
