Yeni il gecəsini evdə keçirəcəksinizsə masalar sağlam və yüngül yemək seçimlərindən ibarət olmalıdır. Çöldə nahar edəcək olanlara az yağlı və kiçik porsiyalar olan sağlam menyular seçmələri tövsiyə olunur.
E-saglam.az-a açıqlamasında Qida mühəndisi Fərid Səfərov deyib.
O, bildirib ki, ilin son gününə erkən başlamalı və səhər yeməyini yeməlisiniz: "Səhər yeməyindən 1-2 saat sonra ən azı bir saat açıq havada sürətli gəzintiyə çıxmalı və sonra 1-2 saat istirahət etməlisiniz. Yemək vərdişlərində heç bir dəyişiklik olmamalıdır. Gün ərzində qan şəkərini balanslı tutmaq və maddələr mübadiləsi sürətinin yavaşlamasını qarşısını almaq üçün qəlyanaltı olaraq meyvə, 10-15 ədəd fındıq və ya badam və ya 2-3 ədəd qoz yemək olar".
Yeni il süfrəsində çox ac oturmaq olmaz. Aclıq həddindən artıq qida istehlakına səbəb olur.
- təkcə yeni il süfrəsində yox, bir vərdiş halına gətirərək həmişə yeməklər kiçik hissələrdə yavaş-yavaş yeyilməlidir.
- şəkərli və qazlı içkilər, hazır meyvə suları içməyin. Əvəzinə normasında, sevdiyiniz və özünüzün hazırladığınız təzə meyvə suyu içmək olar.
- alkoqol istehlak etməyin.
- təzə meyvə və qoz-fındıq yeməkdən sonra və axşam saatlarında həddindən artıq yeyilməməlidir.
- ehtiyacdan asılı olaraq gün ərzində 10-12 stəkan su içməyə diqqət yetirilməlidir.
- sağlam və balanslı qidalanma bir gecəlik deyil, ömürlük prinsip kimi qəbul edilməlidir.
Könül Oruc
