Pəhrizdə lif çatışmazlığı bağırsaq xərçənginin inkişaf riskini artırır.
E-saglam.az xəbər verir ki, bunu diyetoloq Tim Spektor Daily Mail-ə deyib.
Spektor bildirib ki, 2024-cü ildə aparılan bir araşdırma, 1990-cı ildə doğulanların 70 yaşlarında olan insanlara nisbətən kolorektal xərçəngə tutulma riskinin üç dəfə yüksək olduğunu göstərdi. Bu riski azaltmaq üçün adətən pis vərdişlərdən imtina etmək, qırmızı və işlənmiş ət istehlakını azaltmaq tövsiyə olunur.
Bununla belə, diyetoloqun fikrincə, tez-tez göz ardı edilən başqa bir tövsiyə də var. "Mən getdikcə daha çox narahat oldum ki, əhalinin böyük əksəriyyəti kifayət qədər lif istehlak etmir", - dedi ekspert. O, izah etdi ki, maddə karbohidratdır, şəkər və ya nişastadan fərqli olaraq, həzm olunmur və udulmur. Lif bağırsaqlardakı bakteriyalar tərəfindən parçalanır və daha sonra orqanizm üçün vacib olan mikroelementlər əmələ gətirir.
"İnsanın yediyi hər bir əlavə qram lif vaxtından əvvəl ölüm riskini 14 faiz azaldır", - deyə ekspert əminliklə qeyd edib.
Spektor vurğulayıb ki, lifin orqanizmə necə təsir etdiyi və nə üçün faydalı olduğu hələ dəqiq bilinmir. Bununla belə, diyetoloq əmindir ki, onun sağlamlıq faydaları göz qabağındadır. O, həmçinin əlavə edib ki, lifin bir çox növləri var. Onun müxtəlif növləri paxlalılar, taxıllar, qoz-fındıq, toxum, tərəvəz və meyvələrdə olur.
Tərcümə: Könül Oruc
