Qulaqlar bakteriyalar üçün böyük bir çoxalma yeridir: onlar qaranlıq, nəm və yağ və ölü dəri ilə doludur.
E-saglam.az xəbər verir ki, BBC Science Focus yazır ki, qulaqlıq taxmaq bu mühiti mikroblar üçün daha da qonaqpərvər edir.
Hindistanın Manipal Universitetinin alimləri tərəfindən aparılan bir araşdırma, qulaqcıqlardan tez-tez istifadənin əslində qulaqda olan bakteriyaların - əsasən də müxtəlif növ stafilokokların sayını artırdığını aşkar etdi. Əvvəllər Bethesdadakı Dəniz Tibb Tədqiqat İnstitutunun mütəxəssisləri hava yolları tərəfindən istifadə edilən qulaqdaxili qulaqlıqların yalnız bir saat taxıldıqdan sonra 11 dəfə daha çox bakteriya ehtiva etdiyini aşkar etdilər.
Bu arada, müəlliflərin özlərinin də qeyd etdiyi kimi, bu, mütləq narahatlıq doğurmur. Tədqiqatda qulaqlıqlar istifadə edilməzdən əvvəl sterilizasiya edilib, ona görə də ilkin bakteriya populyasiyası çox aşağı olub və bu 11 qat artım hələ də mütləq mənada kifayət qədər az sayda mikrobla nəticələnib.
Üstəlik, bu bakteriyaların hər hansı bir zərər verdiyinə dair heç bir sübut yoxdur. 2002-ci ildə Malayziyada zəng mərkəzi işçiləri arasında aparılan araşdırma qulaqlıqdan istifadə ilə qulaq infeksiyaları arasında heç bir əlaqə tapmadı.
Tərcümə: Könül Oruc
