Qış deyincə ağla gələn ilk meyvələr arasında olan və faydaları saysız-hesabsız olan heyva ağciyər dostudur. İmmuniteti gücləndirən və bədəndəki iltihabları təmizləyən heyva çay kimi istehlak edildikdə öskürək, bəlğəm kimi problemləri aradan qaldırmağa kömək edə bilər.
E-saglam.az qışda bol heyva yeməyin faydalarını təqdim edir.
Heyva sağlamlığa bir çox faydası olan bir meyvədir. Sentyabr ayından etibarən bazarda yerini alan heyva, xüsusilə ağciyər sağlamlığını qorumaq üçün təbii dərman kimi xidmət edir.
Ağciyər sağlamlığını qorumaq üçün gündəlik həyatınızda bir çox qaydalara diqqət yetirməlisiniz. Ağciyər sağlamlığını qorumaq üçün siqaret çəkməməlisiniz. Çirkli və tozlu mühitlərdə olmamalı, yaşadığınız ərazini daim havalandırmalısınız.
Nəfəs alma məşqləri də ağciyərlərin sağlamlığını yaxşılaşdırır. Bütün bunlara əlavə olaraq, bəslənməniz və pəhriziniz ağciyər sağlamlığınız üçün vacibdir.
İmmuniteti gücləndirmək və orqanizmi xəstəliklərdən qorumaq üçün tərəvəz və meyvələrin gücündən faydalanmaq lazımdır. Xüsusilə ağciyərləri gücləndirmək, öskürək, bəlğəm kimi xəstəliklərdən xilas olmaq üçün dərhal pəhrizinizə bəzi meyvələr əlavə etməlisiniz.
Güclü şəfa mənbəyi olan heyva ağciyərləri təmizləməsi ilə də tanınır. Xüsusilə öskürək, bəlğəm, xırıltı kimi şikayətləri olanlar bol heyva istehlak edirlər.
Heyva yarpaqları kimi heyvanın özü də sağlamlıq üçün çox faydalıdır. Heyva yarpaqları nizamlı və düzgün istehlak edildikdə ağciyərlər üçün təbii dərman ola bilər.
Heyva istehlak edərkən qabığı daha çox soyulur və yarpaqları atılır. Halbuki heyva yarpaqları heyvanın özü qədər orqanizm üçün şəfa mənbəyidir.
Heyva yarpağı faydaları ilə immuniteti gücləndirir və orqanizmi xəstəliklərdən qoruyur. Həm də soyuqdəymə, qrip kimi problemlərə qarşı dərmandır.
Müntəzəm olaraq istehlak edildikdə qan azlığı problemini aradan qaldırır. Əgər dəmir çatışmazlığınız varsa, heyva yarpağı çayı hazırlayıb içə bilərsiniz.
Heyva yarpağı da dərini sağaldacaq qədər təsirlidir. Həmçinin dəridə kollagen axınını yaxşılaşdıraraq qırışların qarşısını alır.
Çay kimi istehlak edilən heyva yarpaqları yüksək təzyiq problemləri üçün də mükəmməldir. Qan şəkərini balanslı saxlayan bu çay ani aclığın da qarşısını alır.
Həzm problemlərinin dərman vasitəsi olan heyva yarpağı çayı həzmsizlik və qəbizlik kimi problemlərin aradan qaldırılmasında da təsirlidir.
Heyva yarpağı çayı təbii ağrı kəsici xüsusiyyətlərə malikdir. Dərman istifadə etmədən ağrıları aradan qaldırmaq üçün heyva yarpağı çayı içərək özünüzü daha güclü hiss edə bilərsiniz.
Antioksidant xüsusiyyətə malik heyva yarpağı orqanizmə zərər verən maddələri asanlıqla bədəndən çıxarır. Bədəndəki iltihabı da aradan qaldırır.
Bir az turş dadı ilə sevərək istehlak edilən heyva yarpağı atılmayacaq qədər faydalıdır...
Heyva yarpağı çayı necə dəmlənir?
Bitki həkimlərində asanlıqla tapılan heyva yarpağı çayını hazırlamaq üçün çaydanda suyu qaynadın. İçinə bir neçə ədəd heyva yarpağı əlavə edin. 5 dəqiqə aşağı istilikdə qaynadıb dəmləmək üçün saxlayın. İstəyə görə, üzərinə bir çay qaşığı bal əlavə edilərək isti halda istehlak edilə bilər.
Heyva yarpağı çayının zərəri varmı?
Böyük miqdarda istehlak edilən heyva yarpağı çayı xeyirdən çox zərər verə bilər. Bu səbəbdən xroniki xəstəlikləri olan və dərman qəbul edənlər, hamiləlik və laktasiya dövründə qadınlar, xolesterini olanlar və allergik reaksiyası olanlar heyva yarpağı çayı içməzdən əvvəl mütəxəssisə müraciət etməlidirlər. Əks təqdirdə ciddi sağlamlıq problemlərinə səbəb ola bilər.
Evdə heyva suyunun hazırlanma qaydası
Məhsullar:
4 heyva
1,5 litr su
1 stəkan şəkər.
Heyvaları yuyub tumlarını çıxarıb kublar şəklində doğrayıb orta odda böyük qazana əlavə edirik. Su əlavə edib 30 dəqiqə yumşalana qədər qaynadırıq. Şəkəri əlavə edib soyumağa qoyuruq, soyuyanda ayran kıvamına gələnə qədər mikserlə qarışdırırıq. Süzgəcdən keçirib qaba töküb soyuducuya qoyuruq.
XƏBƏRDARLIQ! Bu məqalə yalnız ümumi məlumat məqsədləri üçün yazılmışdır və tibbi məsləhət kimi qəbul edilməməlidir. Heyva yarpağını çay kimi qəbul etməzdən və ya pəhrizinizə heyva əlavə etməzdən əvvəl mütləq mütəxəssislə məsləhətləşin.
Tərcümə: Könül Oruc
