30 illik araşdırma sağlam qidalanmanın uzunömürlülük və sağlam qocalma üzərində güclü təsirini ortaya çıxarıb.
E-saglam.az xəbər verir ki, meyvə, tərəvəz, tam taxıllar və sağlam yağlarla qidalanan insanların 70 yaşına sağlam çatma ehtimalı 86 faiz daha yüksəkdir.
Araşdırma 105.000 insanın qidalanmasını izləyib və yalnız 9771 nəfərin sağlam yaşlandığını müəyyən edib. Alternativ Sağlam Qidalanma İndeksi (AHEI) tərəvəz, paxlalılar və qoz-fındıqların üstünlük təşkil etdiyi bir pəhriz tövsiyə edir və bu yanaşma xroniki xəstəliklərin qarşısını almağa kömək edir.
Sağlam pəhriz təkcə fiziki sağlamlığı deyil, həm də psixoloji rifahı və sosial-iqtisadi vəziyyəti yaxşılaşdırır. Araşdırma sağlam qidalanmanın insan ömrünü uzatmaqla yanaşı, həyat keyfiyyətini də yüksəltdiyini göstərir.
Tərcümə: Könül Oruc
