40 yaşından sonra cinsi aktivliyi qorumağın yolları...
E-saglam.az bildirir ki, 40 yaşdan sonra kişilərdə testosteron səviyyəsi azalır, bu da cinsi aktivliyə təsir edə bilər. Bunu qorumaq üçün aşağıdakı üsulları tətbiq etmək tövsiyə olunur:
Fiziki aktivlik – Oturaq həyat tərzindən qaçın, gündəlik addımları artırın, qaçış və ya komanda idmanları ilə məşğul olun. Basketbol, futbol və tennis cinsi sağlamlıq üçün faydalıdır.
Düzgün qidalanma – Rasiona təzə tərəvəz, meyvə, yağsız ət və balıq daxil edin. Balıqda olan omeqa-3 yağ turşuları beyin və emosional sağlamlıq üçün vacibdir.
Daimi cinsi əlaqə – Müntəzəm seks testosteron səviyyəsini normada saxlayır, ereksiya problemlərinin qarşısını alır və cinsi istəyin azalmasını ləngidir.
Stressi idarə etmək – İstirahətə vaxt ayırın, qadcet istifadəsini məhdudlaşdırın və meditasiyaya cəhd edin. Stress kortizolun artmasına və testosteronun azalmasına səbəb ola bilər.
Qida əlavələri – Testosteron istehsalını artıran və libidonu yüksəldən təbii afrodizyaklar istifadə edilə bilər.
Bu addımlarla 40 yaşdan sonra da cinsi aktivliyi qorumaq mümkündür.
