100 yaşlı Dr. John Scharffenberg uzun və sağlam yaşamağın sirrini bölüşüb.
E-saglam.az xəbər verir ki, o, siqaret, alkoqol və zərərli qidalardan uzaq durmağın vacibliyini vurğulayır.
Zərərli vərdişlərdən çəkinin
Siqaret, alkoqol və narkotiklər xərçəng, ürək-damar problemləri və psixi sağlamlıq pozğunluqlarına səbəb olur. Spirtin heç bir təhlükəsiz səviyyəsi yoxdur və tamamilə imtina edilməlidir.
Hərəkətli həyat tərzi
Gündəlik idman vacibdir. Gəzinti, üzgüçülük və velosiped sürmək ürək sağlamlığını, əzələ gücünü və zehni rifahı dəstəkləyir.
Sağlam çəki və düzgün qidalanma
Artıq çəki sağlamlıq üçün risklidir. Dr. Scharffenberg səhər və günorta yemək yeyir, axşam yeməyindən çəkinir. Pəhrizdə meyvə, tərəvəz, tam taxıl və qoz-fındıq olmalıdır.
Şəkər və ətin məhdudlaşdırılması
Şəkər istehlakı piylənmə, diabet və ürək xəstəliklərinə səbəb olur. İşlənmiş ət və qırmızı ət ürək xəstəlikləri və xərçəng riskini artırır.
Xəstəlik riskini azaldın
Sağlam həyat tərzi diabet və insult kimi xəstəliklərin riskini 80% azalda bilər. Düzgün qidalanma və müntəzəm fiziki fəaliyyət sağlam ömrün açarıdır.
Tərcümə: Könül Oruc
