Şəmkirdə həkim sağlam körpəni yanlış diaqnozla 8 ay müalicə edib, saysız dərmanlar yazıb - DƏHŞƏT
Şəmkirdə həkim sağlam körpəni yanlış diaqnozla 8 ay müalicə edib, saysız dərmanlar yazıb - DƏHŞƏT

Şəmkirdə həkim 3 aylıq sağlam körpəyə yanlış diaqnoz qoyub, aylarla "müalicə" edib, lazımsız dərmanlar yazıb.

Bu sözləri E-saglam.az-a açıqlamasında həkim nevroloq Aynur Zeynalova deyib.

A.Zeynalova bildirib ki, uşağı onun yanına valideynləri dünən gətiriblər və artıq 11 aylıqdır: 

"Şəmkirdən yanıma 11 aylıq körpə gətirdilər. Uşaqda əsas şikayətlər yuxusuzluq və qucaqdan düşməmək idi. Hətta rayonda körpəyə 3 aylığından neyrosonoqrafiya müayinəsi edilib, hidrosefaliya (beyinə su toplanması) diaqnozu qoyulub. Aylarla boş yerə dərmanlar yazılıb, müalicə aparılıb. Biz təkrar neyrosonoqrafiya etdik, lakin gördük ki, hər şey qaydasındadır. Sağlam körpələrə bu şəkildə müalicələrin təyin olunması bir cinayətdir". 

Nevroloq deyib ki, uşağa əlavə dərman təyin etmək niyyətində deyil, sadəcə D vitamini təyin edib. 

Qeyd edək ki, uşaq valideynlərin ilk körpəsidir və 5 ildən sonra dünyaya gəlib. 

Könül Oruc

E-saglam.az


Emlakbazari.az emlak elanları saytı