Əzələ gücünün və dözümlülüyünün azalması müəyyən bir yaşda başlayır.
E-saglam.az xəbər verir ki, 35 yaş insanın fiziki performansının zirvəsidir. Bu, İsveçdəki Karolinska İnstitutunun alimləri tərəfindən aparılan unikal 47 illik tədqiqatın məlumatları ilə təsdiqlənib.
1970-ci illərdə başlanan bir layihədə mütəxəssislər müxtəlif yaşlarda olan yüzlərlə iştirakçını izləyiblər. Nəticələr göstərib ki, fiziki hazırlıq 35 yaşdan sonra tədricən azalır və bu proses yaşla sürətlənir. Lakin, tədqiqat müəlliflərinin qeyd etdiyi kimi, hətta yetkinlik dövründə idmana başlamaq belə performansı 5-10% yaxşılaşdıra bilər.
Hərəkətə başlamaq üçün heç vaxt gec deyil; aparıcı müəllif Maria Westerstal deyir ki, fiziki fəaliyyət yaşla bağlı performansın azalmasını yavaşlada bilər.
Tərcümə: Könül Oruc
