Dermatoloq Aleksandra Fileva bildirib ki, ayaqda qəfil və əsassız birtərəfli ağrı ciddi xəstəliyin əlaməti ola bilər.
E-saglam.az xəbər verir ki, onun sözlərinə görə, bu simptom çox vaxt venoz qapaqların zəifləməsi və damar divarının elastikliyini itirməsi ilə bağlı varikoz damarlarını göstərə bilər.
Varikozun əsas əlamətləri arasında günün sonunda güclənən ağırlıq və dartılma hissi, ayaqlarda göyümtül damar naxışları və hörümçək damarları, gecə dana əzələlərində kramplar, həmçinin damarların üzərində qaşınma qeyd olunur.
Mütəxəssisin sözlərinə görə, ayaqdakı qəfil kəskin ağrı trombozun da göstəricisi ola bilər. Bu xəstəlik səthi və ya dərin damarlarda laxtaların əmələ gəlməsi ilə xarakterizə olunur. Tromboz zamanı təsirlənmiş nahiyədə qızartı, temperaturun artması, damar boyunca sərtlik və ağrı, ayaqda şişkinlik və ümumi narahatlıq müşahidə edilə bilər.
Tərcümə: Könül Oruc
