Amerika Birləşmiş Ştatlarının alimləri kimyəvi saç düzləşdirici maddələrin qadınlarda xərçəng riskini artırdığını araşdırmalar nəticəsində təsdiqləyiblər.
E-saglam.az xəbər verir ki, təxminən 11 il ərzində aparılan araşdırmada 33 947 qadın izlənilib. Bu müddət ərzində keratin əsaslı saç düzləşdiricilərdən istifadə edən qadınlar arasında 378 halda uşaqlıq yolu xərçəngi aşkar edilib.
Heç vaxt saç düzləşdirici vasitələrdən istifadə etməyən qadınların 70 yaşında uşaqlıq yolu xərçənginə tutulma ehtimalı 1,64 faiz olduğu halda, kimyəvi maddələrdən istifadə edən qadınlarda bu rəqəm 4,05 faizə yüksəlib.
Araşdırma nəticələri saç boyalarının xərçəng riski ilə əlaqəli olmadığını göstərir.
Mütəxəssislər bu kimi vasitələrdən istifadə edərkən diqqətli olmağı və potensial risklərdən xəbərdar olmağı tövsiyə edirlər.
