Yuxu mütəxəssisi Tom Kolmanın sözlərinə görə, yuxu iflici zamanı şüur aydın qalır, lakin bədən itaət etmir.
E-saglam.az xəbər verir ki, o, müsahibəsində bu vəziyyətin səbəblərini izah edib.
Alimin sözlərinə görə, yuxu iflici sürətli göz hərəkəti (REM) yuxusunun xüsusiyyətlərinə görə baş verir. Bu mərhələdə beyin oyaq olduğu kimi aktiv olur və əzələlər tamamilə rahatlaşır. Bu, yuxuda edilən hərəkətləri reallıqda təkrarlamadan yuxu görməyə imkan verir. "Bəzən bu mexanizm pozulur, beyin oyanır, lakin bədən rahat qalır ki, bu da iflic hissi yaradır", - deyə alim izah edib.
Koulman əlavə edib ki, yuxu iflici zamanı insan sinəsində təzyiq hissi ilə yanaşı, görmə və eşitmə halüsinasiyaları da hiss edə bilər. Ekspert qeyd edib ki, yuxu iflici daha çox qeyri-müntəzəm yuxu rejimi, stress və ya yorğunluq olan insanlarda müşahidə olunur. Bu problemi aradan qaldırmaq üçün o, yuxu rejiminə riayət etməyi, stressi idarə etməyi və sağlam həyat tərzi sürməyi tövsiyə edib.
Tərcümə: Könül Oruc
