Gülüş ürək-damar sisteminə təsir göstərir.
E-saglam.az xəbər verir ki, kardioloq Yevgeni Kokin gülüşün qan damarlarını genişləndirən və qan axınını yaxşılaşdıran azot oksidinin istehsalını stimullaşdırdığını bildirib.
Mütəxəssis qeyd edib ki, bu, arteriyalar üçün zərif "gimnastika"dır.
Mütəmadi məşqlə gülüş qan təzyiqini aşağı salmağa, damar elastikliyini artırmağa və stressi azaltmağa kömək edir. Lakin, bu, dərmanı əvəz etmir; yalnız profilaktik tədbir kimi xidmət edir.
Araşdırmalar təsdiqləyir ki, ayda bir dəfədən az gülənlərdə ürək-damar xəstəlikləri riski 62% daha yüksəkdir, komediya izləmək isə qan dövranını 22% yaxşılaşdırır. Tövsiyə olunan "doza" gündə 5-10 dəqiqə və ya həftədə ən azı bir neçə dəfə həqiqi gülüşdür.
"Gülüş ürəyinizi dəstəkləmək üçün pulsuz və xoş bir yoldur. Elə indi gülümsəyin - bu, sağlamlığa doğru ilk addımdır", - deyə Kokin yekunlaşdırıb
Tərcümə: Könül Oruc
.
