Psixoterapevt Laura Nolan və yuxu psixoloqu Ceyd Vu sağlamlıqla bağlı müəyyən problemlərə işarə edə biləcək qeyri-adi bir yuxu vəziyyətini – “flaminqo pozası”nı – müəyyən ediblər.
E-saglam.az xəbər verir ki, onların fikirləri "HuffPost" tərəfindən dərc edilib.
Nolan izah edir ki, bu pozada insan arxası üstə və ya yan üstə uzanır, bir ayağını digərinin altına qoyur və bu duruş flaminqonun dayanışını xatırladır. Onun sözlərinə görə, belə vəziyyət çox vaxt oynaq hərəkətliliyi artmış, həmçinin xroniki ağrıları olan insanlarda müşahidə edilir və bədəndə narahatlıq siqnallarını göstərə bilər.
Vu isə bildirir ki, bu vəziyyət həmişə ciddi problem demək deyil. Bir çox insan sadəcə bu duruşda özünü rahat hiss edir. Bununla belə, psixoloq vurğulayır ki, əgər bu pozada yatmaq ətraflarda keyləşmə, ağrı və ya qıcolma yaradırsa, bunu diqqətdən kənarda qoymaq olmaz. Bu simptomlar əzələ gərginliyinə, bədən balanssızlığına və ya istifadə olunan yastıq və döşəyin uyğun olmamasına işarə edə bilər.
Mütəxəssislər tövsiyə edirlər ki, belə əlamətlər varsa, yuxu mövqeyi, yataq dəsti və ümumi yuxu qaydaları nəzərdən keçirilsin.
Tərcümə: Könül Oruc
