İdman etməyin sağlamlığa bir sıra müsbət təsirləri olduğunu hər kəs bilsə də, məşqdən sonrakı ağrılar bir çox insanı narahat edə bilər. Bu ağrılar ümumiyyətlə normaldır, lakin düzgün anlayış və müalicə ilə aradan qaldırılmalıdır.
E-saglam.az məşqdən sonra baş verən ağrıların səbəbləri və onun aradan qaldırılması ilə bağlı yazını xarici mediaya istinadla təqdim edir.
1. Əzələ Ağrısı və stresslər
İdmandan sonra ən çox görülən ağrı növlərindən biri əzələ ağrısıdır. Güclü məşq və ya yeni bir məşq proqramına başladıqda, əzələlər gərginləşdiyi və uyğunlaşdığı üçün yüngül və ya orta dərəcədə əzələ ağrıları baş verə bilər. Bu vəziyyət adətən bir neçə gün ərzində öz-özünə həll olunur.
2. Yorğunluq və enerji itkisi:
Uzunmüddətli və ya intensiv məşq bədəndə enerji itkisinə səbəb ola bilər. Bu, məşqdən sonra yorğunluğa və yüngül baş ağrılarına səbəb ola bilər. Bu tip ağrı adətən adekvat istirahət və yuxu ilə yaxşılaşır.
3. Stress sonrası iltihab
Məşqdən sonra əzələlərdə yüngül iltihabın olması normaldır. Bu iltihab əzələlərin bərpası prosesinə kömək edir. Ancaq həddindən artıq iltihab halında, xüsusilə eyni əzələ qruplarına dəfələrlə diqqət yetirən idmanlarda ağrı daha çox baş verə bilər.
4. Düzgün istiləşmə və soyutma
İdmançıların yaşadığı ağrıların qarşısını almağın və aradan qaldırmağın mühüm yolu düzgün isinmə və soyutma texnikasını tətbiq etməkdir. İstiləşmə əzələlərin uzanması və qan dövranının artırılması prosesidir ki, bu da əzələləri fəaliyyətə hazırlayır. Soyutma bədən istiliyini yavaş-yavaş aşağı salmaqla, əzələ ağrısını və yorğunluğu azaltmağa kömək edir.
5. Nəmləndirmənin rolu:
Məşq zamanı və sonra kifayət qədər su içmək bədəndə elektrolit balansını qorumaq və əzələ kramplarının qarşısını almaq üçün vacib bir yoldur. Nəmləndirmənin olmaması məşqdən sonra ağrıları artıra bilər.
6. Peşəkar yardım alın
Ağrı zamanla yaxşılaşmırsa və ya daha da pisləşirsə, bir tibb işçisinə müraciət etmək vacibdir. Xüsusilə, idman zədələri, səhv məşq texnikası və ya həddindən artıq istifadə nəticəsində yaranan ağrılar mütəxəssis həkim və ya fizioterapevt tərəfindən qiymətləndirilməlidir.
7. Həddindən artıq məşq və istirahətin əhəmiyyəti
Həddindən artıq məşq əzələ ağrısı və zədələrə səbəb ola bilər. Müntəzəm istirahət günləri və müxtəlif əzələ qruplarına yönəlmiş məşq proqramı ağrının qarşısının alınmasında mühüm rol oynayır.
8. Ağrı kəsicilər və iltihab əleyhinə dərmanlar
Yüngül ağrılar üçün həkimin tövsiyə etdiyi kimi ağrıkəsicilər və ya iltihab əleyhinə dərmanlar istifadə edilə bilər. Bununla belə, bu cür dərmanların uzunmüddətli və davamlı istifadəsi sağlamlıq üçün risklər daşıya bilər. Buna görə dərmanı istifadə etməzdən əvvəl bir mütəxəssislə məsləhətləşmək vacibdir.
Tərcümə etdi: Könül Oruc
