Hipofiz vəzində müxtəlif hormonlar ifraz etmək üçün proqramlaşdırılmış hüceyrələr var. Şiş bir hüceyrənin genetik deformasiyaya uğrayaraq nəzarətsiz çoxalması nəticəsində yaranır.
Bu sözləri E-saglam.az-a açıqlamasında beyin və sinir cərrahiyyəsi uzmanı Teyyub Həsənov deyib.
O bildirib ki, hansı hormon hüceyrəsinin təsirindən asılı olaraq, həmin hormonun həddindən artıq ifrazına bağlı olaraq şiş əlamətləri də dəyişir. Hipofiz vəzinin şişləri (hipofiz adenomaları) xoşxassəli şişlər sırasındadır:
"Başqa sözlə, ömür boyu simptomsuz və zərərsiz qalır. Ancaq hipofiz vəzinin funksiyası çox vacib olduğu üçün şişin böyüməsi və orqanizmə lazım olmayan hormonların ifrazı nəticəsində sağlamlıq problemləri yarana bilər. Müalicə cərrahiyyə, dərman və radiocərrahiyyə, yəni Gamma Knife müalicəsidir".
Könül Oruc
