Cərrah Karen Raj deyir ki, yatmazdan əvvəl isti duş daha tez yuxuya getməyə kömək edir.
Bu barədə E-saglam.az "Daily Mirror"a istinadən xəbər verir.
Racın sözlərinə görə, bədən hərarəti aşağı düşəndə beyin yuxu vaxtının gəldiyi barədə siqnal alır. Buna görə tez yuxuya getməyin ən asan yolu temperaturu aşağı salmaqdır.
"Paradoksal olaraq, isti duş bədəninizin sərinləşməsinə kömək edir, buna görə də özünüzü yuxulu hiss edir və yaxşı yatırsınız", - deyə həkim bildirdi.
Mütəxəssis əlavə etdi ki, soyuq duş, əksinə, daxili temperaturu artırır və ayıq olmağa və toplanmağa kömək edir: "Sirr ondan ibarətdir ki, bu cür su prosedurları bizim sirkadiyalı ritmlərimizə uyğundur".
Könül Oruc
