Elektrik cərəyanı ciddi təhlükə yarada bilər.
E-saglam.az xəbər verir ki, zədənin ağırlığı cərəyanın gücündən, bədəndən keçdiyi yoldan və müdaxilənin nə qədər tez olmasından asılıdır. Belə hallarda ilk yardım həyat qurtara bilər.
Elektrik cərəyanının əsas əlamətləri:
Əzələlərdə qıcolma və daralmalar
Yanıqlar (xüsusilə cərəyanın daxil olduğu və çıxdığı nöqtələrdə)
Nəfəs darlığı və ya nəfəsin dayanması
Ürək ritminin pozulması
Huşunu itirmə
İlk yardım necə göstərilməlidir?
- Əvvəlcə soyuqqanlı olun, panikaya düşməyin.
- Elektrik cərəyanını dərhal kəsin. Əgər mümkün deyilsə, cərəyanla təması taxta, plastik və ya quru parça kimi izolyasiyaedici bir əşya ilə ayırın.
- Cərəyan kəsilmədən yaralıya toxunmayın.
- Zərərçəkənin nəfəsi və nəbzi yoxlanılmalıdır.
- Şəxs huşsuzdursa və nəfəs almırsa, süni tənəffüs və ürək masajı tətbiq oluna bilər.
- Təcili yardım çağırılmalıdır.
Unutmayın:
Yüksək gərginlikli naqillərə elektrik kəsilmədən yaxınlaşmaq çox təhlükəlidir.
Naqillər qığılcım saçırsa, ən azı 6 metr məsafədə qalın.
Elektrik cərəyanı vurmuş şəxsi yalnız təhlükə tam aradan qalxdıqdan sonra tərpədin.
Tərcümə: Könül Oruc
