Bu ilin 8 ayı ərzində ölkə üzrə 29 334 nəfər heyvan dişləməsi, cırmaqlaması, tüpürcəkləməsinə məruz qalıb.
E-saglam.az xəbər verir ki, bu barədə "Report" sorğusuna cavab olaraq Səhiyyə Nazirliyinin Respublika Gigiyena və Epidemiologiya Mərkəzindən bildirilib.
Hadisələrdən 7 034-ü Bakıda baş verib.
Qeyd olunub ki, həmin şəxslərdən 13 554-ü (Bakı şəhəri üzrə 2389 nəfər ) məlum it, 9 411-i (Bakı şəhəri üzrə 2060 nəfər ) naməlum it, 5228-i (Bakı şəhəri üzrə 2307 nəfər ) pişik, 446-sı (Bakı şəhəri üzrə 150 nəfər ) siçovul, 695-i (Bakı şəhəri üzrə 128 nəfər ) isə digər heyvanlar tərəfindən zədələnməyə məruz qalanlardır.
Mərkəzdən bildirilib ki, ölkə üzrə 2 quduzluq hadisəsi qeydə alınıb və hər iki hadisə ölümlə nəticələnib.
