Hər birimiz zaman-zaman baş ağrılarından şikayət edirik. Bu ağrını hiss etmək heç də xoş deyil, bütün işlərimizi və ya sadəcə həyatdan həzz almağı çətinləşdirir. Baş ağrısına dözmək isə tövsiyə edilmir.
E-saglam.az xəbər verir ki, terapevt Andrey Ryabkov "Lenta.ru"ya ağrıları aradan qaldırmağın ən təsirli üsullarından söz açıb.
1. Ağrı kəsicilər
Baş ağrısını aradan qaldırmağın ən təsirli yolu dərhal həb qəbul etməkdir. Daimi aspirin və ya ibuprofen qəbul etmək kömək edəcək, ancaq xatırlamaq lazımdır ki, dərmanlar dərhal təsir etmir və narahatlıq yaranan kimi ağrıkəsici qəbul etməlisiniz.
Şiddətli baş ağrılarına qarşı tərkibində kofein olan analgetiklər ən təsirli olur.
2. Qan təzyiqinin korreksiyası
Baş ağrısı yüksək və ya aşağı təzyiqdən qaynaqlanırsa, onu normallaşdırmaq üçün dərmanlar qəbul etməlisiniz.
3. Soyuq kompres
Başın ağrı hiss etdiyi nöqtəyə soyuq kompres tətbiq etmək simptomları aradan qaldırmağa kömək edə bilər. Soyuq kompres qan damarlarını daraldır, bu da ağrıların azalmasına səbəb ola bilər.
4. Masaj
Boyun və ya alın masajı gərgin əzələləri rahatlamağa və qan dövranını yaxşılaşdırmağa kömək edəcək. Həkim yüngül dairəvi hərəkətlərdən istifadə etməyi və ən gərgin olan nöqtələrə basmağı məsləhət görür.
5. Təmiz hava
Baş ağrısını aradan qaldırmaq üçün tez-tez otağı havalandırmaq və ya gəzintiyə çıxmaq kifayətdir.
Baş ağrısı xroniki hal alıbsa və ya sadalanan üsullar sizə heç bir şəkildə kömək etmirsə, səbəbləri müəyyən etmək və fərdi müalicəni seçmək üçün həkimə müraciət etməlisiniz. /publika.az
