"Əhalinin və ətraf mühitin sağlamlığının qorunması məqsədilə qabaqcıl beynəlxalq təcrübə nəzərə alınmaqla, 238 adda yüksək toksikliyə malik təsiredici maddələrin ölkəmizdə tətbiqi və dövriyyəsi qadağan edilib".
E-saglam.az xəbər verir ki, bunu Azərbaycan və Qida Təhlükəsizliyi Agentliyinin sədri Qoşqar Təhməzli Bakıda “Pestisidlərin həyat dövriyyəsinin idarə edilməsi” mövzusunda regional seminarda çıxışı zamanı deyib.
Onun sözlərinə görə, ekoloji cəhətdən təhlükəsiz bioloji və biotexniki mübarizə üsullarının tətbiqinin təkmilləşdirilməsinin təşviq edilməsi üçün Azərbaycanda bioloji mübarizə metodlarının işlənib hazırlanması istiqamətində elmi tədqiqatların və bioagentlərin yetişdirilməsi üçün zəruri biolaboratoriya şəbəkəsinin genişləndirilməsini məqsədəuyğun hesab edilir. //"Report"
