ABŞ-da aparılan yeni tədqiqatlar göstərir ki, dərin yuxu zamanı beyin, toksinləri və zərərli tullantı maddələri daha effektiv şəkildə təmizləyir.
E-saglam.az xəbər verir ki, alimlər bu prosesi “beynin gecə təmizliyi” adlandırırlar və onu Alzheimer, Parkinson kimi neyrodegenerativ xəstəliklərin qarşısının alınmasında vacib hesab edirlər.
Araşdırma nəticələrinə görə, yuxunun müəyyən mərhələlərində beyin hüceyrələri arasında olan boşluqlar genişlənir və bu, beyindəki tullantıların “beyin-omurilik mayesi” vasitəsilə yuyulub çıxarılmasına şərait yaradır. Bu təmizləmə prosesi daha çox dərin yuxu fazasında – yəni yavaş dalğa yuxusu zamanı aktivləşir.
Mütəxəssislər bildirirlər ki, kifayət qədər və keyfiyyətli yuxu almayan insanlarda bu mexanizm zəifləyir, nəticədə beyində zərərli maddələr toplanır və bu da yaddaş zəifliyi və digər zehni problemlərə gətirib çıxara bilər.
Tədqiqat müəlliflərindən biri olan nevroloq Dr. Liza Korn belə deyir: “Beynin təmizlənməsi hər gecə baş verməlidir, əks halda uzunmüddətli fəsadlar qaçılmaz olur. Gündəlik 7-8 saat keyfiyyətli yuxu yalnız dincəlmək üçün deyil, eyni zamanda beynin sağlam qalması üçün də vacibdir.”
Alimlər bu sahədə daha geniş tədqiqatların aparılmasını planlaşdırır və gələcəkdə yuxu keyfiyyətini artıran tibbi müdaxilələrin neyroloji xəstəliklərin qarşısını almaqda böyük rol oynaya biləcəyini bildirirlər.
