Kardioloq, tibb elmləri doktoru, professor, Rusiya Elmlər Akademiyasının müxbir üzvü Olqa Bokeriya yüksək təzyiqi azaltmağa kömək edən bir neçə mövcud məhsulları sadaladı.
E-saglam.az xəbər verir ki, Bokeriya ilk növbədə hipertansif xəstələri nar və müxtəlif giləmeyvə yeməyə çağırıb.
O, bildirib ki, balıq və dəniz məhsulları, zeytun yağı, zeytun, yaşıl yarpaqlı tərəvəzlər, yəni Aralıq dənizi pəhrizinin əsasını təşkil edən qidalar da qan təzyiqindəki artımları idarə etməyə kömək edəcək: "Aralıq dənizi pəhrizi ürək-damar xəstəliklərinin, xərçəngin, neyrodegenerativ xəstəliklərin, piylənmənin, diabetin qarşısını alır, həmçinin gəncliyi və gözəlliyi qoruyur".
Bundan əlavə, kardioloq hipertoniya üçün faydalı qidalar siyahısına tünd şokolad, lobya, çuğundur, sarımsaq, eləcə də yağsız xam və ya sobada qurudulmuş toxumları (balqabaq, çia, günəbaxan, kətan) daxil edib.
Təkcə pəhriz deyil, sağlam yuxu, meditasiya və müntəzəm orta intensivlikdə fiziki fəaliyyət qan təzyiqini idarə etməyə kömək edir.
Tərcümə: Könül Oruc
