Ətin təravəti onun rəngi, qoxusu və konsistensiyası ilə müəyyən edilə bilər.
E-saglam.az xəbər verir ki, diyetoloq Olqa Luşnikova, səhv seçim etməmək üçün quzu əti alarkən nələrə diqqət etməli olduğunu izah edib.
Mütəxəssisin sözlərinə görə, yüksək keyfiyyətli quzu əti tünd ləkələr olmadan zəngin qırmızı rəngə malikdir. Bozumtul və ya yaşılımtıl çalar korlanmış ətin açıq əlamətidir. Təzə ətin xoş, bir az şirin ətri var, kəskin iyi yoxdur. Yağı isə ağ və ya kremli rəngdə olmalıdır, sarı və ya boz olması isə şübhəli keyfiyyəti göstərir.
Luşnikova həmçinin möhkəmliyini yoxlamağı tövsiyə edir: basıldıqda təzə ətdəki çökəklik tez bir zamanda yox olur. Yumşaq, yapışqan səth və ya seliyin olması alış-verişdən çəkinməyin səbəbləridir.
Tərcümə: Könül Oruc
