Yaşıl çayda olan təbii maddə ilə B3 vitamininin bir forması birlikdə beyində güclü qoruyucu təsir göstərə bilər.
E-saglam.az xəbər verir ki, Kaliforniya İrvine Universitetinin alimləri epiqallokateşin qallat (yaşıl çay polifenolu) və nikotinamidin siçan neyronlarında beyin enerjisini artıraraq zərərli zülal yığınlarını təmizlədiyini aşkarlayıb.
Bu proses guanozin trifosfat (GTP) adlı enerji molekulunun yüksəlməsi ilə əlaqələndirilir. GTP yaşlandıqca azalır, Alzheimer riskini artırır. Araşdırma göstərir ki, bu iki maddənin birgə istifadəsi GTP-ni bərpa edir və hüceyrələri zədələnmədən qoruyur.
Hələ ki, nəticələr laboratoriya mühitində sınaqdan keçirilib, amma alimlər bunun gələcəkdə Alzheimerin qarşısının alınması və müalicəsində yeni yol aça biləcəyini bildirirlər.
Araşdırma "GeroScience" jurnalında dərc olunub.
Tərcümə: Könül Oruc
