Uşaqlıq boynu xərçəngi əsasən HPV (human papilloma virus) infeksiyasından qaynaqlanır. Erkən diaqnoz və profilaktik tədbirlər bu xəstəliyin qarşısını almaqda mühüm rol oynayır.
E-saglam.az xəbər verir ki, uşaqlıq boynu xərçəngi erkən mərhələlərdə simptomlar göstərməyə bilər, lakin irəlilədikcə aşağıdakı əlamətlər görünə bilər:
- cinsi əlaqə zamanı qanaxma və ya ağrı
- çanaq nahiyəsində ağrı
- qoxulu və qanlı vaginal axıntı
Skrininq və erkən diaqnoz
Pap smear və HPV DNT testləri ilə erkən mərhələdə lezyonlar aşkar edilərək xərçəngin qarşısı alına bilər. 21 yaşdan başlayaraq hər 3 ildən bir, 30 yaşdan sonra isə hər 5 ildən bir skrininq tövsiyə edilir.
HPV peyvəndi
HPV peyvəndləri uşaqlıq boynu xərçəngi riskini əhəmiyyətli dərəcədə azaldır. Peyvənd 9-26 yaş arasında tövsiyə olunur. 15 yaşa qədər iki doza, 15 yaşdan yuxarı isə üç doza tələb olunur. HPV peyvəndləri xəstəliyin profilaktikasında mühüm vasitədir və mütəmadi olaraq tətbiq edilməlidir.
Tərcümə: Könül Oruc
