Bəzi qidalar və içkilər diş sağlamlığına ciddi təsir göstərə bilər.
E-saglam.az xəbər verir ki, Diş Həkimi Dr. Erin Fraundorf bildirir ki, qəhvə, çay, qırmızı şərab, qazlı su, idman içkiləri, pomidor, karri və giləmeyvə kimi məhsullar diş minasına yapışaraq ləkələr yarada bilər. Dr. Amy Sliwa Lies əlavə edir ki, pH səviyyəsi yüksək və ya aşağı olan qidalar da dişlərə zərər verə bilər.
Şəkərli və yapışqan qəlyanaltılar bakteriyaları qidalandıraraq turşu istehsalına səbəb olur. Bu cür qidalar dişlərə yapışaraq çürüklərin yaranmasına şərait yaradır. Sərt konfetlər uzun müddət şəkərə məruz qoyduğu kimi, dişlədikdə qırılma riski də yaradır.
Duzlu krakerlər və nişastalı qəlyanaltılar bakteriyaların şəkərə çevirməsini asanlaşdırır. Xırtıldayan çipslər diş ətinə zərər vura bilər və zəif dişlərdə qırılma ehtimalını artırır. Sitrus meyvələrinin tərkibindəki turşular diş minasını zəiflədə bilər. Qurudulmuş meyvələr isə yapışqan xüsusiyyəti ilə dişlərə yapışaraq çürüklərə səbəb ola bilər.
Buz çeynəmək dişləri zəiflədir və qırılma riskini artırır. Popkorn ləpələri də dişlərə ciddi zərər verə bilər və diş ətinə ilişərək infeksiyaya səbəb ola bilər.
Diş sağlamlığını qorumaq üçün yeməkdən sonra su içmək və ya şəkərsiz saqqız çeynəmək tövsiyə olunur. Flüorlu su və diş pastası istifadə edilməli, dişlər gündə iki dəfə fırçalanmalı və diş ipi ilə təmizlənməlidir. Çiyələk, alma, kərəviz və yarpaqlı göyərti kimi qidalar diş sağlamlığı üçün faydalıdır.
Tərcümə: Könül Oruc
