Yeni araşdırma göstərir ki, 90 yaşdan yuxarı insanların qan biomarkerləri qısa ömürlü həmyaşıdlarından fərqlənir.
E-saglam.az xəbər verir ki, Karolinska İnstitutunun alimləri 64-99 yaş arası 44 min insanın sağlamlıq göstəricilərini araşdırıb və 100 yaşına çatan 1224 nəfərdə ümumi qan dəyərlərini müəyyən ediblər.
Məlum olub ki, uzunömürlü şəxslərdə qlükoza, kreatinin və sidik turşusu səviyyələri daha aşağıdır. Əksinə, ən aşağı xolesterol və dəmir səviyyəsinə malik insanların 100 yaşına çatma ehtimalı daha azdır. Araşdırmaya əsasən, qanda bu biomarkerlərin balanslı olması uzun ömrün əsas göstəricilərindən biridir.
Tərcümə: Könül Oruc
