E-saglam.az xəbər verir ki, ən çox rast gəlinən şikayətlər arasında ağrı və ya narahatlıq, uyuşma və ya qarıncalanma, zəiflik və ya gücsüzlük, şişlik və ya kütlə və məhdud hərəkət hissi daxildir.
Periferik sinir şişlərinin səbəbləri tam olaraq məlum olmasa da, genetik meyl, ətraf mühit faktorları və ya toxuma pozğunluqları riskləri artırır. Diaqnoz üçün maqnit rezonans görüntüləmə və sinir keçiriciliyi testləri kimi üsullardan istifadə olunur. Lazım gələrsə, kompüter tomoqrafiyası, CT angioqrafiyası və ya birbaşa rentgen görüntüləmə də tətbiq edilə bilər. Şiş aşkar edildikdən sonra, patoloji diaqnoz üçün biopsiya tövsiyə oluna bilər.
Müalicə şişin növünə, ölçüsünə, yerinə və xəstənin ümumi sağlamlıq vəziyyətinə görə planlaşdırılır. Əsas müalicə üsulu cərrahiyyədir; lakin lazım gələrsə, radioterapiya və kimyaterapiya da tətbiq oluna bilər. Son illərdə ağıllı dərmanlar kimi tanınan immunoterapiyalar bəzi bədxassəli şişlərin müalicəsində ümidverici nəticələr verir.
Müalicədən sonra residivlərin erkən aşkarlanması üçün xəstələrin müntəzəm olaraq müayinədən keçməsi vacibdir. Əməliyyatdan sonra istirahət və sağalma prosesinə diqqət yetirmək, lazım gələrsə, fiziki müalicəyə başlamaq və ağrıların idarə olunması üçün həkim tövsiyələrinə əməl etmək də önəmlidir.
Tərcümə: Könül Oruc
