3 gündür Bakı və Abşeron yarımadasında havada tozun miqdarı normadan 2-3 dəfə çox olaraq davam etməkdədir. İnsanlar bu havanın sağlamlıqlarına mənfi təsir etməsi ilə bağlı fikirlər səsləndirirlər.
Mövzu ilə bağlı İnfeksionist-hepatoloq Mərdan Əliyev E-saglam.az-a müsahibə verib. Müsahibənin bir hissəsini təqdim edirik.
M.Əliyevin sözlərinə görə, bu havada hər kəs qorunmalıdır, xüsusilə də uşaqlar və yaşlılar belə havaya həssasdırlar. Ona görə də, belə havada onları çölə çıxarmamaq lazımdır, ev şəraitində olmaları daha yaxşıdır. Ümumilikdə isə, hər kəs imkan daxilində ev şəraitində qalsa yaxşı olar.
Həkim qeyd edib ki, allergik və ağciyər xəstəlikləri, bronxiti, bronxial astması olanlar mütləq şəkildə maskadan istifadə etməlidirlər: "Toz hissəcikləri çox kiçik olduğu üçün adi maska ondan qorumur, filtrli N95 dediyimiz maskalardan istifadə bu toz hissəciklərindən tamamilə qoruya bilir.
Könül Oruc
