Qan təzyiqi ümumiyyətlə ürək sağlamlığını qiymətləndirmək üçün ən əsas parametrlərdən biri hesab olunur. Lakin mütəxəssislər qeyd edirlər ki, mütəmadi olaraq yalnız qol təzyiqi deyil, həm də qol və ayaq arasındakı təzyiq fərqi də ölçülməlidir. Bu fərq bədəndə mövcud olan ciddi sağlamlıq problemlərinin erkən xəbərdarlığı ola bilər.
E-saglam.az xəbər verir ki, Təcili Tibb Mütəxəssisi Dr. Ayşegül İşlek Yüksel, qol və ayaq təzyiqindəki fərqin əhəmiyyətini vurğulayaraq, bu fərqin həyati təhlükəsi olan xəstəliklərin əlaməti ola biləcəyini ifadə etdi. Xüsusilə ayaq təzyiqinin qol təzyiqindən yüksək olmasının damar tıxanması və ürək xəstəlikləri kimi vəziyyətlərin göstəricisi ola biləcəyini ifadə etdi.
Doktor Yüksel sağ və sol qollar arasındakı təzyiq fərqinin də sağlamlığın əhəmiyyətli bir əlaməti olduğunu və bu fərqin 20 faizi keçməməsi lazım olduğunu söylədi. Mütəxəssislərin fikrincə, ayaq təzyiqi ümumiyyətlə qol təzyiqindən 1-2 vahid yüksək olmalıdır. Bu fərq əhəmiyyətli dərəcədə yüksək olarsa, şəkərli diabet və ya damar kalsifikasiyası kimi ciddi vəziyyətlər ağla gələ bilər. Doktor Yüksel, ayaq təzyiqinin qol təzyiqinə bərabər olmasının varikoz damarlarının göstəricisi ola biləcəyini ifadə etdi.
Doktor əlavə edib ki, təzyiqi ölçən zaman qoldan ölçmək daha etibarlı nəticə verir. Yüksel vətəndaşlara qolundan təzyiq ölçməyi və hər iki qolunu yoxlamağı tövsiyə edib.
Mütəxəssislər ayaq təzyiqinin mütəmadi olaraq ölçülməsinin vacibliyini də vurğulayaraq, xüsusilə diabet xəstələrinin bu ölçməni daha diqqətli etmələri lazım olduğunu bildiriblər.
Tərcümə: Könül Oruc
