Türkiyədən Almaniyaya ixrac edilən tahin məhsullarında bağırsaq sisteminə təsir edən salmonella bakteriyası aşkarlanıb.
E-saglam.az xəbər verir ki, RASFF (Avropa Birliyinin Qida və Yem üçün Sürətli Alert Sistemi) bu halı ciddi təhlükə kimi qiymətləndirib və məhsulların geri çağırılması qərarı verilib.
Rəsmi yoxlamalar zamanı aşkar edilən bakteriya insan sağlamlığı üçün təhlükə yaradır.
Salmonella nədir?
Salmonella (salmonellyoz) bağırsaq traktını təsir edən ümumi bakterial xəstəlik kimi tanınır. Bakteriyaların yaratdığı qida zəhərlənməsinin ən geniş yayılmış növlərindən biri olan salmonella heyvanların və insanların bağırsaqlarında yaşayır və nəcislə xaric olur. İnsanlara ən çox çirklənmiş su və ya qida vasitəsilə ötürülür.
Tərcümə: Könül Oruc
