Uroloq və androloq Artur Boqatırev bildirir ki, soyuq səthlərdə oturmaq kişilərin reproduktiv sağlamlığına ciddi təsir göstərə bilər.
E-saglam.az-ın məlumatına görə, soyuğa məruz qalmaq çanaq orqanlarında qan damarlarının spazmına səbəb olur, toxumaların immun müdafiəsini zəiflədir. Nəticədə, bədənin normal bakteriyaları nəzarətsiz çoxalaraq iltihaba yol açır.
Ən çox rast gəlinən xəstəliklər prostatit, sistit və böyrək iltihabıdır. Hipotermiya həmçinin çanaqda qan dövranını pozur, testosteron və sperma istehsalını azaldaraq məhsuldarlığa mənfi təsir edə bilər.
Boqatırev kişiləri soyuq səthlərdə oturmamağa, bel və aşağı bel bölgəsini isti saxlayan geyimlər geyinməyə, ayaqları isti tutmağa və küləkdən qorunmağa çağırır. Eyni zamanda sağlam qidalanma, gündəlik iş rejimi, pis vərdişlərdən uzaq durmaq və müntəzəm fiziki fəaliyyət immuniteti gücləndirir.
Əgər ağrı, narahatlıq və ya tez-tez sidiyə getmə hissi yaranırsa, dərhal həkimə müraciət etmək vacibdir. Sağlamlıq risklərini önləmək üçün soyuğa diqqət yetirmək kifayət edir.
Tərcümə: Könül Oruc
