Kardiologiya mütəxəssisi Prof. Dr. Bilal Boztosun soyuq havaların ürək xəstələri üçün ciddi risklər yaratdığını bildirib.
E-saglam.az xəbər verir ki, o, damar spazmı və infarkt riskinin artdığını vurğulayaraq, ürək xəstələrinin mütləq bədənlərini isti saxlamalı olduqlarını qeyd edib.
Soyuq havada çölə çıxmaq risklidir
Ürək xəstələri mümkün qədər soyuq havada çölə çıxmamalıdır. Əgər çıxmaq məcburiyyətindədirlərsə, günün daha isti saatlarını seçməli və çöldə az vaxt keçirməlidirlər. Uzun müddət soyuğa məruz qalmaq sinə ağrısı, ürək döyüntüsü və infarkt riskini artıra bilər.
Geyim və qidalanmaya diqqət edilməlidir
Çölə çıxarkən qalın geyinmək, şərf istifadə edərək soyuq havanın ağciyərlərə təsirini azaltmaq vacibdir. Həmçinin, sağlam qidalanma qaydalarına riayət edilməli, həkimlə məsləhətləşmədən qida rasionu dəyişdirilməməlidir.
Dərman istifadəsi və həyat tərzi
Soyuq havanın mənfi təsirlərini azaltmaq üçün siqaretdən uzaq durmaq, fiziki hərəkətləri tənzimləmək və dərmanları vaxtında qəbul etmək vacibdir.
Tərcümə: Könül Oruc
