Raynaud xəstəliyi soyuq əl və ayaqların əsas səbəblərindən biri ola bilər.
E-saglam.az xəbər verir ki, mütəxəssis Dr. Selin Turan bu xəstəliyin qan dövranı pozğunluğu nəticəsində yaranan bir vəziyyət olduğunu və daha çox qadınlarda müşahidə edildiyini bildirib.
Bu xəstəlik soyuq havalarda və stresli vəziyyətlərdə damarların həddindən artıq daralması ilə əl, ayaq barmaqları, burun və qulaqlar kimi bölgələrdə qan axınının azalmasına səbəb olur. Bu, həmin nahiyələrdə rəng dəyişikliyi (ağ, mavi, qırmızı), soyuqluq və bəzən ağrı ilə müşayiət olunur.
Raynaud xəstəliyinin yayılma səbəbləri:
Genetik meyl
Autoimmün xəstəliklər
Stress
Siqaret çəkmək
Titrəyən əl alətlərindən istifadə
Qorunma yolları:
Soyuqdan qorunmaq üçün əlcək və qalın geyimlərdən istifadə edin.
Tütün və kofein istehlakından çəkinin.
Müntəzəm məşq edin və stressi idarə edin.
Həkimin tövsiyə etdiyi dərmanları istifadə edin.
Raynaud xəstəliyi olan şəxslər mütləq soyuq havalardan özlərini qorumalı və simptomların pisləşməsinin qarşısını almaq üçün tədbirlər görməlidirlər.
Tərcümə: Könül Oruc
