E-saglam.az xəbər verir ki, bu barədə nevroloq Mirzə Qaraşov öz sosial şəbəkə hesabında yazıb.
“Artıq bir neçə xəstədə pnevmoniya, plevropnevmoniya ilə fəsadlaşmalara rast gəlirəm. Xüsusən də xəstəliyini ilk gündən “parasetamol” ilə müalicə edib, hərarətinin normallaşmasını görüb arxayınlaşanlarda”, - o qeyd edib.
Həkim bildirib ki, döş qəfəsində bir tərəfli ağrı olarsa, “paslı” bəlğəm ifrazına rast gəlinərsə, ilk gündən həkimə müraciət etmək lazımdır:
“Bu əlamətlər artıq sizdə 100 faiz pnevmoniya olduğunu göstərir. Özünüz bacarmaya bilərsiniz. Düzgün müalicə olunduqda isə qısa müddətdə 3-4 gün ərzində yaxşılaşma almaq mümkündür”.
