Azərbaycanda könüllü tibbi sığorta üzrə ödənişlər 11% azalıb.
E-saglam.az report"a istinadla bildirir ki, bu ilin yanvar-aprel aylarında Azərbaycanda könüllü tibbi sığorta üzrə 66,485 milyon manat sığorta haqqı toplanılıb.
Azərbaycan Mərkəzi Bankının məlumatına görə bu, ötən ilin eyni dövrü ilə müqayisədə 0,6% azdır.
Hesabat dövründə bu növ sığorta üzrə ödənişlər isə 20,774 milyon manat təşkil edib ki, bu da 1 il əvvələ nisbətən 10,9% azdır.
4 ay ərzində tibbi sığorta üzrə yığımlar ümumi yığımların 19,6%-ni, ödənişlər isə ümumi ödənişlərin 11,55%-ni təşkil edib. Bu nisbətlər ötən ilin eyni dövründə müvafiq olaraq 20,2% və 22,1% təşkil edib.
