Zaur Əliyev: “İnvestisiyalardan əldə olunan hər bir vəsait sığortaolunanlara daha keyfiyyətli tibbi xidmətlərin göstərilməsi məqsədilə istifadə olunur”
E-saglam.az xəbər verir ki, İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev səhiyyə sisteminə yönəldilən investisiyalar və əldə olunan gəlirlər barədə danışıb.
O bildirib ki, 2020-ci ildən etibarən icbari tibbi sığortanın maliyyə dayanıqlığını təmin etmək məqsədilə həyata keçirilən investisiyalar nəticəsində 135.5 milyon manat gəlir əldə olunub.
2024-cü il üçün isə bu rəqəm 74.2 milyon manat təşkil edir: “İnvestisiyalardan əldə olunan hər bir vəsait sığortaolunanlara daha keyfiyyətli tibbi xidmətlərin göstərilməsi məqsədilə istifadə olunur”.
Sədr əlavə edib ki, səhiyyəyə ayrılan vəsait 2.8 milyard manatı ötür. Bu vəsaitlərin əsas hissəsini dövlət büdcəsindən səhiyyəyə ayrılan vəsait, işəgötürən və işçi tərəfindən ödənilən sığortahaqları təşkil edir.
Onun sözlərinə görə Agentlik 2020-2023-cü illər və 2024-cü ilin ilk 10 ayı ərzində dövlət tibb müəssisələrini 400 milyon manatdan çox məbləğdə dərman/tibbi sərflə təmin edib.
Könül Oruc
