E-saglam.az saçların gündəlik bəzi tökülmə səbəbini təqdim edir:
Qidalanma
Kifayət qədər kalori qəbul edə bilməyəndə saç və saç dərisi vitaminlərdən məhrum olur. Çox vaxt pəhriz saxlayanda saçlar surətlə tökülür.
Günəş şüaları
Günəşin ultrabənövşəyi şüaları saçların elastikliyini və gücünü azaldır. Uzun müddət istiyə və günəş işığına məruz qalmaq saç və saç dərisini quruda bilər. Bu da saç tökülməsinə səbəb olur. Açıq rəngli və nazik saçlar daha tez təsirlənir.
Saçları sıx bir yerə yığmaq
Sıx hörüklər və toplanan saçlar tükləri gərginləşdirir və tökülməsinə səbəb olur.
Saçı tez-tez yumamaq
Saç dərisinə yığılmış çirk saçların inkişafının qarşısını alır. Bu da gələcəkdə saçın nazikləşməsinə və saç tökülməsinə şərait yaradır.
Saç kəsdirməmək
Saçları davamlı kəsdirmək onun sağlam böyüməsinə kömək edə bilər və incəlməsinin qarşısını alır. Daim saç kəsdirmək quru, qırıq və ölü saç uclarını təmizləyir.
Baş qaşımaq
Saç dərisində qaşınma göbələk, allergiya və ya iltihablanmanın nəticəsində yarana bilər. Bütün bu problemlər saçlara zərər verir və incəldir. Başı qaşıyan zaman saç köklərinizə zərər versəniz, bu saç tökülməsinə səbəb ola bilər.
Saç düzəltmə alətlərindən istifadə
Saç qurutma və formaverən alətlər zərərlidir. Yüksək istilik saçlardakı yağları və zülalları, qoruyucu maddələri məhv edir, nəm tarazlığını pozur, qırılma və incəlməyə səbəb olur. Sonda isə nəticə olaraq saçlarınız tökülür. /Lent.az/
