Yaxın gələcəkdə robotlar uşaq “doğacaq”.
E-saglam.az “Daily mail”ə istinadla xəbər verir ki, bunun üçün Çində bir şirkət robot surroqat ana hazırlayır.
Çinin “Kaiwa Technology” şirkəti dünyanın ilk “hamiləlik robotu”nu hazırladığını elan edib. Bu robot körpəni hamiləlikdən doğuşa qədər daşımaq üçün nəzərdə tutulub. Robotun qarın boşluğuna boru vasitəsilə qida qəbul edəcək süni uşaqlıq yerləşdiriləcək. Uşaqlıq boru vasitəsilə qida qəbul edəcək.
Prototipin 2026-cı ildə buraxılacağı və təxminən 100 min yuana (təx. 24 min AZN)) başa gələcəyi gözlənilir.
Texnologiya vaxtından əvvəl doğulmuş körpələr üçün hazırlanmış "biobaqlar"a bənzədilib.
Bununla belə, bu robotların fərqi bütün hamiləlik prosesini idarə etmələridir. Yumurta və uşaqlığın necə döllənəcəyi açıqlanmayıb. Bununla belə, embrion süni uşaqlığın selikli qişasına yerləşdiriləcək.
Bu tip texnologiyanın etik və hüquqi aspektləri hələlik mübahisəlidir.
İki həftədən çox yaşlı insan embrionlarını ana bətnindən kənarda saxlamaq qadağandır. Bir çox elmi dairələr və ictimaiyyət bunun ana ilə körpə arasındakı bağı kəsəcəyini iddia edir.
Bəziləri isə bunun hamilə qala bilməyənlər üçün alternativ variant olacağını söyləyirlər.
Qeyd edək ki, Çində sonsuzluq səviyyəsi 2007-ci ildə 11,9% idisə, 2020-ci ildə bu rəqəm 18%-ə yüksəlib. Buna görə də yerli hökumətlər in-vitro mayalanma (IVF) və süni mayalanmanı sığorta paketinə daxil ediblər.
Çində süni uşaqlıq texnologiyası ilə bağlı müzakirələr 2022-ci ildən davam edir. Keçən il ABŞ da quzular üzərində süni bətnləri sınaqdan keçirib.
“Theos” beyin mərkəzinin keçirdiyi sorğu nəticəsində məlum olub ki, 18-24 yaşlı gənclərin 42%-i dölün qadın orqanizmindən tamamilə kənarda böyüdülməsini dəstəkləyir.
Ölkə.az
