Çoxunuz yəqin xatırlayırsız? Qaşlarımızı çatıb, qaşqabaqlı dayanan kimi ağbirçəklər deyirdi ki, qaşları düyünləmək olmaz, insana zərərlidir.
Əslində bu vərdişin gözlərə və görməyə mənfi təsiri olduğu düşünülürdü. Xüsusən gözün üstünü yığıb qaranlıqda televizora baxmaq və kitab oxuyarkən.
E-saglam.az xəbər verir ki, qaşları düyünləyib, gözləri qıymaq görməyə zərərli olmasa da, həmin insanda yaxından və ya uzaqdangörmə problemi və astiqmatizm olduğunu göstərə bilər.
İnsan gözü müasir fotoaparat kimi işləyir. İşıq bəbəkdən keçib buynuz qişada yayılır və bəbək ötürülən işığın keyfiyyətindən asılı olaraq ya böyüyür, ya da daralır.
Əgər sizdə görmə pozulubsa, ya uzaqdan görmə, ya da yaxından baxma zamanı gözünüzü qıyıb, qaşlarınızı düyünləyib obyektə baxacaqsız ki, fokuslanma daha çox olsun.
Gözü qıymaq özlüyündü səhhətdə neqativ təsir vermir, amma siz tez-tez belə baxırsızsa, deməli, gözünüzü yoxladıb, eynək yazdırmaq zamanıdır./medicina.az/
