Dünya şöhrətli onkoloq, tibb elmləri doktoru, Rusiya Elmlər Akademiyasının akademiki, həmyerlimiz Məmməd Bağır Əliyev Rusiya Federasiyası hökumətinin elm və texnologiya sahəsində 2024-cü il mükafatının laureatı olub.
E-saglam.az Azərtac-a istinadla xəbər verir ki, rusiyalı onkoloq, professor, tibb elmləri doktoru, Rusiya Elmlər Akademiyasının akademiki, Rusiya Federasiyasının Əməkdar elm xadimi, Milli Tibbi Tədqiqat Radiologiya Mərkəzinin müşaviri Məmməd Bağır Əliyevə Rusiya Federasiyası Hökumətinin elm və texnologiya sahəsində ikinci dəfə (ilk dəfə - 2006-cı ildə) mükafatı təqdim edilib.
Tanınmış alim bundan əvvəl Rusiya elminin inkişafındakı böyük xidmətlərinə, uzun illər səmərəli fəaliyyətinə görə və Rusiya Elmlər Akademiyasının yaradılmasının 300 illiyi ilə əlaqədar “Dostluq” ordeni və Azərbaycan üçün tibb kadrlarının hazırlanmasında və diasporun fəaliyyətinin təkmilləşdirilməsində səmərəli fəaliyyətinə görə Azərbaycan Prezidentinin Fəxri diplomu ilə təltif edilib.
